– Espainiako
selekzioaren kontzentrazio batean izan zara
oraintsu. Txapelketaren bat prestatzeko
asmoz?
– Datorren urteko udan
Europako Txapelketa jokatuko da, eta horri begira,
kontzentrazio batzuk egingo ditugu tarteka, eta
ikusiko dugu azkenean txapelketa horretan jokatzen
dudan edo ez.
– Zer
dela eta aukeratu zenuen kirol ezezagun
hau?
– Betidanik deigarria egin
zait oso, eta udan hori ezagutzeko irrika nuen.
Azkenean nire egungo entrenatzailea dena nire
ikastetxera etorri zen sofbola erakustera, eta
lehiatzeko talde bat osatu genuen.
– Neska askok egiten duzue kirol
hau. Mutilak baino gehiago zabiltzate?
– Ez dakit, agian bai. Mutilak betiko
kiroletan gehiago ibiltzen dira (futbolean,
eskubaloian, pilotan...), gehiago interesatzen
zaizkie kirol horiek; neskok, berriz, agian
jakin-min handiagoa dugu kirol berriak ezagutzeko.
– Sofbolean
gainera, neska-mutilek elkarrekin joka dezakete,
ezta?
– Bai. Bateatzeko orduan,
esaterako, txandakatuz joaten dira neskak eta
mutilak: aurrena mutilak bateatzen du, gero
neskak... Neska-mutilak batera jokatzea |
oso ondo ikusten
dut, hala mutilen erritmora eta indarrera ohitzen
garelako. Horrela, gero neska batek bateatu behar
duenean, errazagoa egiten zaigu pilota hartzea.
– Ezberdintasun
gutxi daude beisbol eta sofbolaren
artean?
– Ia kirol berdinak
dira. Sofboleko pilota handiagoa da eta pilota
behealdetik jaurtitzen da, ez goitik beisbolean
bezala. Sofbolean jaurtitzaileak base edo
oinarritik ezin du atera eta zelaia txikiagoa da.
Beisbolean jaurtitzaileak tontortxo batetik egiten
du jaurtiketa. Horiez gain, beisboleko bateak ere
sofbolekoak baino pixka bat handiagoak dira.
– Sofbolean
jokatzeko zelai berezia behar al da?
– Futbol zelai batean joka daiteke, baina
atzealdean egoten den sarea behar da –pilota
zelaitik ez ateratzeko. Zelai bat egingo baligute
primeran, baina oraingoz ez dugu halakorik, eta
hartxintxarrezko futbol zelai batean jarduten
dugu.
– Zehaztasun
handiko kirola al da sofbola?
–
Ez nuke bereziki halakoa denik esango. Hasieran
nahiko nahasgarria gerta daiteke arauak ondo
ulertzea, baina behin horiek guztiak ondo ikasita,
jokatzeko kirol oso ederra dela esango nuke.
|
.gif){kind=small}
Patricia sofboleko kaskoa jarrita eta
batea eskuetan duela. 
Patricia –beheko
lerroan– AT. SS. talde mistoarekin. 
Sorlekua: Donostia. 
